Category: 學生文選

學生文選【我尚愛去的夜市仔】

學生文選【我尚愛去的夜市仔】 沒有迴響

2011 年 06 月 03 日 at 04:23:55Category:學生文選

作者/曾雅培

夜市仔毋那是逐个所在攏有的,嘛是足濟人愛去的;親像台北的士林夜市、高雄的六合夜市、猶擱有基隆的夜市,攏是頂港有名聲、下港有出名。夜市仔的趣味,逗逗仔乎我來講乎恁聽。

來哦!來哦!頭家今仔日無佇咧,即馬遮个衫俗俗仔甲黑白賣:三百毋免!兩百毋免!一領百五就好!那買四領擱算恁五百就好,買着俗貨卡贏作工課;阿母足愛看衫,那甲阮姐弟仔裝甲水水水,伊就真歡喜。

弟弟尚愛矣是珠仔台和擲乒乓,那是阮彼個古錐的阿爸,足愛買蟹仔跤轉去厝那看電視那嗑;阿那我是誠愛撈魚矣,佇夜市仔看着一尾一尾古錐的金魚、彩色魚,我的手就一直癢起來,足想欲甲抓轉去,毋擱我个技術不好、跤手無蓋好,噯—魚仔一尾一尾按魚撈仔紙衝破;最近撈魚子的出頭愈來愈濟,猶擱有鮕、有蝦,用尖間的鈎仔咧釣,一寡保育團體攏佇咧抗議矣!阿母講按呢傷殘忍,以後麥擱撈魚矣。

我尚愛去夜市仔,逐擺去遐有通好耍、有食擱有掠,去一擺夜市仔轉來了後就愛開始減肥囉!夜市仔個好食好耍是講麥了,那是欲知影即馬佇咧時行啥、有啥蓋怪奇的物件,只要去夜市仔就隨知。你今仔日有閒無?那有閒咱相招來去踅夜市。

學生文選【我最愛的故事 白蛇傳】

學生文選【我最愛的故事 白蛇傳】 沒有迴響

2011 年 06 月 03 日 at 04:22:52Category:學生文選

有人講:「一樣米飼百樣人。」有的人愛看尪仔冊,有的人愛打電動﹔毌擱我佮別人無共款,俗語說:『欲食好魚、著近海漧』﹒圖書館佇玩厝邊爾爾,自細漢歇睏日阿母定定毛玩去圖書館看冊,嘛順紲借冊轉去厝看,我愛看名人傳記佮傳奇故事,因為遮的冊會凍教人按怎做一個成功的人佮做人做事的道理。

我上愛的故事就是白蛇傳,古早有一个少年家,他名叫許仙、有一工落雨天還到修行千年的白蛇精〝白素真〞﹒許仙甲伊的雨傘借白素真遮轉去厝,白素真知影許仙是伊前世的救命恩人,隔轉工伊夯雨傘去還許仙,無諾久、因倆人就「有情人終成眷屬」。「千算萬算毌值得天一劃」,有一工許仙去金山寺拜拜,遇到一个法力無邊的師父名叫法海,師父看著許仙了後,感覺許仙的身軀頂有妖氣,師父問詳細擱愛許仙照伊的指示去做,佇五日節的午時拿雄黃酒乎白素真啉,白素真啉了以後知影:「慘囉!」就裝病去歇睏,當許仙欲入去房間關心的時,驚一下!肽e按呢!白素真的腳竟然是蛇尾,許仙趕緊去走去金山寺找師父﹒師父愛許仙暫蹛佇金山寺,白素真「屈指一算」伊就去金山寺討許仙,師父毌放許仙出來,白素真施展法力,水淹金山寺」,法海拿缽要收白素真,白素真苦苦哀求等伊甲囝仔生落來,就會主動來找法海,「人情留一線,日後好相看」師父完成白素真的心願,不諾久白素真生一个厚生叫許夢蛟,白素真照約束去金山寺找法海,師父甲伊鎮壓佇雷峰塔,等夢蛟大漢,伊是一个文武雙全的將才,聽老爸許仙講起伊的老母壓佇雷峰塔,夢蛟就去跪踮塔前毌食毌睏哭三暝三日,求天公伯仔放伊的老母出來,真正是,「有孝感動天」雄雄一陣雷公爍那甲雷峰擘作兩片,救出白素真,歸家團圓。

我上愛這个故事,因為白素真的「食人一口,還人一斗」知恩報本佮許夢蛟的有孝,乎我有夠感動,做人的囝仔自細漢就愛有孝序大人,愛知影「在生食一粒豆、甲贏死了拜豬頭」。

學生文選【我的七逃伴】

學生文選【我的七逃伴】 沒有迴響

2011 年 06 月 03 日 at 04:18:34Category:學生文選

作者/吳芳宜

自細漢我是阿公阿嬤的糖酸丸,逐家甲我惜命命,毋擱我攏感覺足無伴矣,因為大兄恰阿姐加我足濟歲、逐擺我那是無藝倆想欲找秵耍攏嘛嫌我鎮地擱纏腳跤絆手。

會記得有一擺我趁大兄無佇厝,偷偷仔走入去伊的房間,耍電腦,無張弛去甲一寡仔重要的資料攏耍甲扑無去,大兄轉來看着足受氣甲我罵甲強欲臭頭去;彼兮時陣感覺家己足可憐,我嘛毋是牢故意矣,就那行那哭,心肝足甘苦,無敢去甲阿母tâu、欲去瑞啥人講咧!看着大箍仔對遠遠的所在行過來,雖然阮無蓋熟悉,毋擱看着伊,我的嚨喉管煞缜起來、愈哭愈大聲,伊惦惦聽我甲滿腹的委屈講出來,心情就加足好。自彼擺開始,阮就成作好朋友,逐工透早大箍仔就佇阮兜頭前等我,做伙去學校七逃、走標、鉍相找,三不五時仔嘛會倒佇運動埕看天頂的白雲咧變魔術;足奇怪矣!我那當着心情鬱卒的時,伊就隨來到我的身軀邊陪伴我,甘那我腹肚內的蛔蟲,到我讀一年開始,伊嘛逐工恰我去學校讀冊、陪我倒轉來厝,我恰大箍仔的感情愈博愈厚,莫怪阿母肯不動(kap 二着)就罵我查某囝仔人,厝內惦袂牢,歸工趴趴走;一直到有一工阿母欲載我去夜市仔,大箍仔看到就對(tùe)佇後壁遂,雄雄聽着「碰」一聲,心內挫一跳着,敢會是大箍仔去乎車撞到,遠遠就聽着大箍仔一直唉,我叫阿母緊斡–轉去,看著伊倒佇土跤,我趕緊甲抱(mooh)起來,載伊去乎醫生抹(kôo)藥仔,阿母即時陣才知影我的七逃伴就是即隻柴犬。

大箍仔經過彼擺車禍了後,行路嘛有淡薄仔各(koh)樣,乎我足煩惱,一直甲阿母要求,拜託乎我會凍甲大箍仔飼起來,阿母起頭無愛,到有一工風颱天,我聽到外口有狗仔咧hinn的聲,我走出去看,原來大箍仔來鉍佇阮兜的屋簷下(gîm  tsîⁿ  kha ),我趕緊走出去甲伊攬咧、想到我無法度乎伊一个鉍風雨的所在,我就哭出來,阿母看到即款情景就答應囉!無擱有一個約束,就是愛好好仔甲伊疼惜,自按呢!大箍仔就成作我尚貼心、無法度分開的七逃伴。